हम्मरले हिर्काइ आफ्नै श्रीमतीको हत्या 

हम्मरले हिर्काइ श्रीमतीको हत्या गरेको आरोपमा श्रीमाणलाई प्रहरीले पक्राउ गरेको छ । रुपन्देहीको सियारी गाउँपालिकाका ३२ वर्षीय सनि कुमालले ३० वर्षीया श्रीमती कान्छी सुवेदी भनिने चम्पा क्षेत्री कुमालको हत्या गरेको प्रहरीले जनाएको छ । 

प्रारम्भिक अनुसन्धानमा सनिले फलामको हम्मरले टाउको, अनुहार, छाती, पेटमा हिर्काएर श्रीमती कान्छीको हत्या गरेको रुपन्देही प्रहरीले जनाएको छ ।

मंगलबार बिहान ११ बजे सियारी गाउँपालिका १ स्थित सूर्यबहादुर कुँवरको घरस्थित डेरामा कान्छी कोठाभित्र मृत अवस्थामा फेला परेपछि प्रहरीमा खबर पुगेको रुपन्देहीका प्रहरी प्रवक्ता खडकबहादुर खत्रीले जनाएको छ । 
घरासयी विवादका कारण हत्या भएको बताउदै प्रहरीले अभियुक्त सनिलाई नियन्त्रणमा लिएर घटनाको अनुसन्धान गरिरहेको जनाएको छ ।