एक थान घरेलु पेस्तोलसहित दुईजना पक्राउ 

काठमाडौंबाट एक थान घरेलु पेस्तोलसहित दुईजना पक्राउ परेका छन् । महानगरपालिका–९ गौशाला पिंगलास्थानबाट पिंगलास्थान बस्‍ने धनुषा गणेसमान सारनाथ नगरपालिका–७ घर भएका २४ वर्षीय धर्मेन्द्र पासवान र सिरहा विष्णुपुर गाउँपालिका–६ घर भएका ४१ वर्षीय दिनेश कुमार झालाई पक्राउ गरेको हो । 

महानगरीय प्रहरी वृत्त गौशालाबाट खटिएको प्रहरीले बा१५च ७५३६ नम्बरको कार जाँच गर्ने क्रममा उनीहरुलाई पक्राउ गरिएको हो ।

सिटमुनि लुकाईछिपाई राखेको उक्त पेस्तोल फेला पारी कारमा सवार उनीहरूलाई पक्राउ गरेको प्रहरीले जनाएको छ ।