नदीमा हाम फाल्दा एकजनाको मृत्यु

नदीमा हामफाल्दा एक जनाको मृत्यु भएको छ । धनकुटा नगरपालिका–९ मुलघाट स्थित पुलबाट तमोर नदीमा हाम फाल्दा  इटहरी उपमहानगरपालिका–१ आपगाछीका ३३ बर्षीय राजन चौधरीको मृत्यु भएको हो । 

इटहरी–१ आपगाछीका २९ बर्षीय अञ्जिल मगर र चौधरी हिउँ खेल्न को ३५प.४१०१ नम्बरको मोटरसाइकलमा तिनजुरे गएर फर्कने क्रममा चौधरीले शनिबार राति घटना भएको  जिल्ला प्रहरी कार्यालय धनकुटाले जनाएको छ ।

हामफाल्नुको कारण भने खुल्न बाँकी रहेको प्रहरीले जनाएको छ । मोटरसाइकल चालक मगरलाई नियन्त्रणमा लिएर घटनाको बिषयमा अनुसन्धान भइरहेको प्रहरीले जनाएको छ ।