जङ्गली हात्तीको आक्रमणबाट अटोमा क्षती, रोकिएन आतंक

विगत केही दिनदेखि मनहरी गाउँपालिकामा जङ्गली हात्तीको आतंक रोकिएको छैन। पर्सा राष्ट्रिय निकुञ्जबाट आएको जंगली हात्तीले बिगत एकसाता देखि हाडिखोला, मेलडाँडा दरदरेमा आतङ्क मच्चाउदै आएको छ ।

त्यस्तै हात्तीको आक्रमणबाट मकवानपुरको मनहरी गाउँपालिका वडा नं। २ र ३ को सिमानास्थित ठाडोखोलामा बिहिबार अटोमा क्षति पुगेको छ ।

हात्तीको आक्रमणबाट प्रदेश नं. ३–०३–००१  ह २३९ नम्बरको अटोमा क्षति पुगेको हो । हात्तीको आक्रमणबाट मानवीय क्षति भने नभएको जिल्ला प्रंहरीले जनाएको छ ।  

जंगली हात्ती आतंकका कारण मनहरीका स्थानी विद्यालयहरुमा पठनपाठन समेत प्रभावित बनेको छ  हात्ती आतङ्क मच्चिएसंग बिहान बेलुका विद्यालय जान र घर बजार आवतजावत गर्न कठिनाइ भएको स्थानियले जनाएको छ ।