२५ वर्षीय युवकको विभत्स हत्या गर्ने तीनजना पक्राउ

एक युवकको हत्या तीन  जनालाई पक्राउ गरेको छ ।  पर्साको बहुदरमाई नगरपालिका वडा नम्बर ७ का २५ बर्षीय शिवनाथ सहनीको ह विभत्स हत्या गरेको आरोपमा तीनजनालाई पक्राउ गरेको हो ।  वीरगन्ज ११ श्रीपुर बस्‍ने बर्ष २२ को अजय साह, बर्ष २० को राजन साह कानु र रानीघाटका २० बर्षीय कृष्ण कुमार गुप्तालाई पक्राउ गरिएको  प्रहरी उपरिक्षक सोमेन्द्र सिंह राठौरले जनाएको छ ।

सहनीको शव गएको पुस २० गते वीरगन्ज महानगरपालिकाकै वडा नम्बर २२, जगरनाथपुर स्थित बासँघारीमा शरिरका विभिन्न भागमा काटेर विभत्स  हत्या गरी फालेको अवस्थामा फेला परेको थियो। 

घटनाको अनुसन्धान गर्दै जाने क्रममा वीरगन्ज ११ श्रीपुरका २ र रानीघाटको एक गरी उनीहरुलाई पक्राउ गरेको प्रहरीले जनाएको छ ।

यी युवाहरु गाँजाको सेवनकर्तासमेत रहेको र सीमापारी गई टेम्पो लगायतका साना सवारी साधनमा तस्करी पनि गर्ने गरेको अनुसन्धानका क्रममा खुलेको  जनाएको छ ।

 अभियुक्तले सहनीलाई चक्कु प्रहार गरी हत्या गरेको स्वीकारेको पर्सा प्रहरीले जनाएको छ। 
 यो घटनाका सन्दर्भमा थप अनुसन्धान भइरहेको उनले जानकारी दिए।