दुई नेपाली किशोरीको भारतबाट उद्धार, मानव तस्कर गर्ने पक्राउ

भारत हुँदै खाडी मुलुकतर्फ जाने योजनामा रहेका दुई नेपाली किशोरीलाई भारतीय सुरक्षाकर्मीको सहयोगमा उद्धार गरिएको छ ।

नेपालगञ्ज हुँदै भारत प्रवेश गरेका उनीहरुलाई भारतको सीमा सुरक्षा बल (एसएसबी) को ४२ औं बाहिनीले नियन्त्रणमा लिएको हो । भारतीय संचारमाध्यमका अनुसार उनीहरुलाई भारत हुँदै खाडी मुलुक पठाउने धन्दामा संलग्न तस्करलाई समेत पक्राउ गरिएको छ । पक्राउ पर्ने पुरुष सल्यानकै लोकेन्द्र खत्री रहेको भारतीय संचारमाध्यमले जनाएका छन् ।

भारतीय अखबार दैनिक जागरणका अनुसार रोजगारीको प्रलोभन देखाएर सल्यानका दुई किशोरीलाई मानव तस्करले भारतको अहमदावाद लैजाने क्रममा नियन्त्रणमा लिइएको हो । उनीहरुलाई खाडी मुलुक पठाउने भन्दै भारततर्फ लगिएको बताइन्छ ।

उद्धार गरिएका दुई किशोरीमध्ये एउटी १४ वर्ष र अर्की १७ वर्ष उमेरका छन् ।

उनीहरुलाई मानव बेचविखनविरुद्ध क्रियाशील सामाजिक संस्था ‘शक्ति समूह’को जिम्मा लगाइएको बताइएको छ ।स्रोत :एजेन्सी

स्रोत : https://www.jagran.com/uttar-pradesh/bahraich-nepali-girls-recover-19959403.html