लागुऔषधसहित हेटौंडाका बम्जन पक्राउ

पेट्रोलियम पदार्थ बोक्ने ट्याङ्करसहित चालकलाई प्रहरीले लागुऔषधसहित पक्राउ गरेको छ ।   टोलीले हेटौंडाका ३३ बर्षीय राजीव बम्जनलाइ १० बोतल लागुऔषध सहित प्रहरीले पक्राउ गरेको हो ।

ईलाका प्रहरी कार्यालय सिमराअन्तर्गत अम्लेखगञ्जवाट खटिएको प्रहरीको टोलीले विशेष सुचनाको आधारमा ना ४ ख ५५९० नम्बरको डिजल बोक्ने ट्यांकर चलाउने बम्जनलाई पक्राउ गरिएको प्रहरीले जनाएको छ ।

 बम्जनका  साथबाट प्रहरीले ‘वनरेक्स’ नामक लागुऔषध बरामद गरेको जनाईएको छ । 

पेट्रोलियम पदार्थ बोक्ने ट्यांकीको  तेल निकाल्ने दाहिने पट्टी गेटभल भित्र प्लाष्टिकमा लुकाई राखेको अवस्थामा लागुऔषध भेटिएको ईप्रका सिमराका प्रहरी नायव उपरिक्षक (डिएसपि) गोविन्द पुरीले  जनाएको छ ।  पक्राउ परेका बम्जनमाथि थप अनुसन्धान भईरहेको प्रहरीले जनाएको छ ।