मकवानपुरको दामनमा घटेको घटनाप्रति थाहा नगरपालिकाद्वारा दुःख व्यक्त 

मकवानपुरको दामनमा घटेको घटनाप्रति थाहा नगरपालिकाले दुःख व्यक्त गरेको छ । थाहानगरपालिका ४ स्थित रहेको एभरेष्ट पानोरमा रिर्सोटमा ८ भारतीयको मृत्यु भएको खबरले दुखी तुल्याएको भन्दै शोक विज्ञप्ती जारी गरेको छ ।

छिमेकी देश भारतबाट नेपाल घुम्न आएका भारतीय पर्यटकहरुको रिसोर्टमा निधन भएको खबरले थाहा नगरपालिका परिवार अत्यन्त मर्माहत र स्तब्ध भएको  विज्ञप्ती मार्फत जनाएको छ ।

थाहा नगरपालिकाद्वारा  गरी जारी गरिएको विज्ञप्तीमा उल्लेख गरिएको छ – ‘अकल्पनीय र असामायिक उक्त घटनामा चार बालबालिकासहित ८ जनाको निधन भएकोमा हामी ज्यादै दुःखी छौं ।’ 

नगरपालिकाले ८ माघमा शोक विज्ञप्ति जारी गर्दै पीडादायी दुखद् घडीमा मृतकहरुको आत्माको चीर शान्तिको कामना सहित हार्दिक श्रद्धाञ्जली व्यक्त गरेको छ भने शोकाकुल परिवार र आफन्तजनमा समवेदना प्रकट गरेको जनाएको छ । 

शोक विज्ञप्ति