करिब साढे दुईकेजी सुन जस्तो देखिने धातुसहित ६ जना पक्राउ 

करिब २ केजी ५ सय ग्राम सुन जस्तो देखिने पहेंलो धातुसहित ६ जना पक्राउ परेका छन् । दोलखा तामाकोशी गाउँपालिका–५ बस्ने २३ वर्षीय तुलनारायण श्रेष्ठसहित ६ जनालाई सोमबार दिउँसो प्रहरीले पक्राउ गरेको हो । 

गोसाईकुण्ड गाउँपालिका–२ घट्टेखोलास्थित सीमा प्रहरी चौकी टिमुरेबाट खटिएको प्रहरीले रसुवागढीबाट काठमाडौंतर्फ आउँदै गरेको ना १ ज ३५४२ नम्बरको टाटा सुमोलाई जाँच गर्ने क्रममा उनीहरुलाई पक्राउ गरेको हो ।

यस सम्बन्धमा प्रहरीले थप अनुसन्धान गरिरहेको छ ।