३ वटा ट्रक एकापसमा ठोक्किँदा ३ जनाको मृत्यु, २ जना गम्भिर घाईते

रुपन्देहीमा ३ वटा ट्रक एकापसमा ठोक्किँदा ३ जनाको मृत्यु भएको छ भने २ जना गम्भीर घाइते भएका छन् । भैरहवा–भुमही सडक खण्डअन्र्तगत रुपन्देहीको रोहिणी गाँउपालिका–४ दुर्घटना ३ जनाको मृत्यु भएको हो । 

भैरहवाबाट परासीतर्फ जाँदै गरेको लु १ ख ६७४५ नम्बरको ट्रक, परासीबाट भैरहवातर्फ आउँदै गरेको ना २ ख ८४८१ नम्बरको ट्रक र ना ५ ख ७८५६ नम्बरको ट्रक एकआपसमा ठोक्किएर दुर्घटना भएको टाफ्रिक प्रहरी कार्यालय बुटवल एस पी मघुसुदन लुईटेलले जनाएको छ । 

नवलपरासीको पालीनन्दन गाउँपालिका अन्दाजी ३० बर्षिय लालु कुर्मि, सोही ठाउँमा अन्दाजी ३० बर्षका मोभीकन कुर्मी  र सुनसरीको चतेराबस्ने अन्दाजी ३५ बर्षिय पुर्ण बहादुर भुजेलको मृत्यु भएको हो । ट्रकमा १३ जना सवार थिए ।

घाइतेहरुलाई उपचारका लागि भैरहवामा रहेको भिम अस्पताल र युनिभर्सल मेडिकल कलेज पठाइएको प्रहरीले जनाएको छ । सडकमा कुहिरो लागेका कारण ती ट्रकहरु आपसमा ठोक्किएको थियो ।