टिपरले किचेर २१ वर्षीय युवकको मृत्यु 

टिपरले किचेर एक युवकको मृत्यु भएको छ । कालीकोट महावै गाउँपालिका-३ सिमखेतका २१ वर्षीय केशरबहादुर सिंहलाई मंगलबार बिहान टिपरले किचेर मृत्यु भएको हो ।  

भे १ प २१७८ नम्बरको मोटरसाइकललाई भे१ख २२४२ को टिपरले ठक्कर दिँदा युवकको मृत्यु भएको जिल्ला प्रहरी कार्यालय सुर्खेतका प्रहरी उपरीक्षक दिल्लीराज पन्तले जनाएको छ । 

मृतकका आफन्तले यरिचौक र गौतमचोकमा टायर बालेर विरोध प्रदर्शन गरिरहेका छन् ।

प्रहरीले टिपर चालकलाई नियन्त्रणमा लिइको र मृतक परिवारलाई शव बुझाउन छलफल भइरहेको प्रहरीले जनाएको छ।