१० हजार घुस सहित अधिकृत पक्राउ

१० हजार घुुस रकम सहित आन्तरिक राजस्व कार्यालयमा कार्यरत कम्प्युटर अधिकृत पक्राउ परेका छन् ।

विद्युतीय बीजक जारी गर्ने अनुमति पत्र बनाई दिने भनी सेवाग्राहीसँग १० हजार रुपैयाँ घुस लिइसकेको अवस्थामा रामकुमार अधिकारी पक्राउ परेका हुन् ।

विद्युतीय बीजक जारी गर्ने अनुमति पत्र बनाइदिए वापत सेवाग्राहीसँग घुस मागेको सूचनाको आधारमा अख्तियार दुरुपयोग अनुसन्धान आयोगको कार्यालय हेंटौंडाबाट खटिइएको टोलीले अधिकारीलाई उनकै कार्यकक्षबाट घुस रकमसहित नियन्त्रणमा लिएको आयोगका प्रवक्ता प्रदीपकुमार कोइरालाले जनाएको छ । 

यस सम्बन्धमा थप अनुसन्धान भईरहेको कोइरालाले जनाएको छ ।