जीप दुर्घटना हुँदा पाँचजना घाईते, एकको अवस्था गम्भिर 

बुधबार राती जीप दुर्घटना हुँदा चालकसहित पाँचजना घाइते भएका छन् । बाजुरा जिल्लाको जगन्नाथ गाउँपालिकाको गणेल खोलामा जीप दुर्घटना भएको हो । 

से १ ज १२०६ नम्मरको जीप पिलुचौबाट बिरामी लिन जगनाथ जानेक्रममा गणेल खोलामाको मोडमा दुर्घटना भएको हो । घाइतेमध्ये चालक विक्रम सुनारको अवस्था गम्भीर रहेको छ भने अन्य ४ जनाको अवस्था सामान्य रहेको प्रहरीले जनाएको छ । 
घाइतेको उपचार कोल्टी प्राथमिक स्वास्थ्य केन्द्रमा भइरहेको प्रहरीले जनाएको छ ।

घाइते विक्रम सुनारलाई थप उपचारका लागि नेपालगन्ज लैजाने तयारी भएको छ । दुर्घटना के कति कारणले भएको हो भन्ने विस्तृत जानकारी आउन बाँकी रहेको प्रहरीले जनाएको छ ।