मुग्लिन सडकखण्डमा चामल बोकेको ट्रक खस्यो, एकजना घाईते

नारायणगढ–मुग्लिन सडकखण्डमा ट्रक खस्दा एकजना घाईते भएका छन् । चामल बोकेको ट्रक मुग्लिन सडकखण्ड अन्तर्गत दुई नम्बर पुलबाट खोल्सामा खस्दा चालक शेरबहादुर गुरुङ घाइते भएको हो । 

भैरहवाबाट चामल लिएर पोखरातर्फ जाँदै गरेको लु १ ख ६३४८ नम्बरको सो ट्रक इच्छाकामना गाउँपालिका– ५ दुर्घटनामा परेको हो । 

सोमबार बिहान भएको दुर्घटना पछि उद्दारका लागि प्रहरी पुगेको थियो ।  दुर्घटना परी गम्भीर घाइते भएका चालक गुरुङको पुरानो मेडिकल कलेजमा  भरतपुरमा उपचार भइरहेको जिल्ला प्रहरी कार्यालयले जनाएको छ ।