साढे एक लाख घुस रकमसहित नायब सुब्बा रंगेहात पक्राउ

साढे एक लाख घुस रकमसहित धनुषाको जनकपुर भन्सार कार्यालयका नायब सुब्बा पक्राउ परेका छन् । सोमबार नायब सुब्बा अहमद रजा अन्सारीलाई एक लाख ५० हजार घुस रकमसहित अख्तियारले  रंगेहात पक्राउ गरेको हो ।

नेपाल–भारत सिमा बजारबाट घरायसी सामानहरू ल्याउन सहज गरिदिने भन्दै घुस माग गरेको भन्ने विशेष सूचनाको आधारमा अनुसन्धान हुँदा अख्तियार कार्यालय बर्दिबासबाट खटेको टोलीले अन्सारीलाई जनकपुर उपमहानगरपालिका–८ पिडारी चोकबाट पक्राउ गरेको हो ।

अख्तियारले उनलाई नियन्त्रणमा लिई थप अनुसन्धान गरिरहेको प्रवक्ता प्रदीप कोइरालाले जनाएको छ ।