सुन जस्तै महंगियो लसुन

चीनबाट लसुनको आयात रोकिदा नेपाली बजारमा लसुनको मूल्य बढेको छ । गत पुस मसान्तमा २ सय ४५ रुपैयाँमा कारोबार भएको प्रतिकिलो लसुन माघ २१ सम्ममा ६ सयभन्दा बढी भएको छ । सो अवधिमा लसुन १ सय ४४ प्रतिशतले बढेको हो । माग अनुरुप बजारमा लसुन नपाइँदा मूल्य बढ्दै गएको हो।

उपत्यकाकै सबैभन्दा ठूलो तरकारी बजार कालिमाटी तरकारी तथा फलफूल बजारको मूल्य सूचि अनुसार माघको सुरुदेखि अहिलेसम्म लसुनको मूल्य ३ सय ५५ रुपैयाँ सम्मले बढेको छ ।

अहिले चीनबाट सामानको आयात बन्द भएसँगै लसुनको आयात पनि रोकिएकाले नेपाली बजारमा लसुनको मूल्य बढेको जानकारहरुले बताएका छन्। ‘मागको तुलनामा पूर्ति नभएकाले मूल्य आकासिएको हो,’ स्रोतले जनाएको छ । 

यसअघि दैनिक ५ देखि ६ टन लसुन आयत हुनेमा अहिले दैनिक २ देखि ३ टन सम्म मात्रै आउन थालेकोकालिमाटी तरकारी बजारमा उपनिर्देशक विनय श्रेष्ठले जानकारी दिए।

यो वर्ष भारतमा प्याजको उत्पादन घट्दा नेपालमा प्याजको मूल्य आकासिएको थियो।