कारको ठक्करबाट ५५ वर्षीय महिलाको मृत्यु

कारको ठक्करबाट एक महिलाको मृत्यु भएको छ । शुक्रबार दिउँसो विराटनगर महानगरपालिका– ६ स्थित सम्झना चोकको भित्री सडकमा को १ च ६६३९ नम्बरको कारको ठक्करबाट स्थानीय ५५ वर्षीया जागोदेवी कामतको मृत्यु भएको हो ।

घर बाहिर सडकमा घाम तापीरहेको अवस्थामा पश्चिमबाट पूर्व तर्फ तीब्र गतिमा आउँदै गरेको कारले ठक्कर दिएको थियो ।

ठक्करबाट घाइते महिलालाई उपचारका लागि न्यूरो अस्पताल लैजाने क्रममा बाटोमै मृत्यु भएको जिल्ला प्रहरी कार्यालय मोरङका प्रहरी नायव उपरीक्षक मानबहादुर राईले जनाएको छ ।