आउँदो फागुण ९ बाट गढीमा महायज्ञ हुने

हेटौडा न्युज
७ फाल्गुन २०७६, बुधबार २३:१७
;

मकवानपुरगढी गाउँपालिका वडा नम्बर ५ मा यही आउँदो फागुण ९ गतेदेखि १५ गतेसम्म श्रीमद्भागवत महायज्ञ आयोजना हुने भएको छ । श्रीकृष्ण प्रणामी मन्दिर, सामरीको आयोजनामा हुने महायज्ञलाई भागवत वाचिका तारा घिमिरेले वाचन गर्ने जनाईएको छ ।

महायज्ञबाट संकलित रकम भूकम्पबाट क्षतिग्रस्त गढी–५ को श्रीकृष्ण मन्दिरको पुनर्निर्माणमा खर्च गरिने हेटौंडामा आज आयोजित पत्रकार सम्मेलनमार्फत आयोजकले जनाएको छ । सो मन्दिर निर्माणका लागि गढी गाउँपालिकाले १७ लाख रुपैयाँ समेत प्रदान गरेको छ । 

करीब १३ लाख रुपैंया खर्च अनुमान गरिएको महायज्ञबाट करीब ३० लाख रुपैया सँकलन गर्ने लक्ष्य लिएको प्रचारप्रसार समितिका संयोजक देवीप्रसाद अधिकारीले बताएका छन् । 

आगामी दिनमा असहाय बालबालिकाहरुका लागि बालाश्रम समेत निर्माण गरिन लागेको आयोजकले जनाएको छ । महायज्ञलाई प्रतिनिधि सभा सदस्य विरोध खतिवडाले उद्घाटन गर्ने कार्यक्रम रहेको छ । 

यसमा तपाइको मत

Your email address will not be published.


*