चितवनमा निमार्णाधिन रंगशालालाई सन्दीप लामिछानेको एक लाख ४१ हजार सहयोग

हेटौडा न्युज
८ फाल्गुन २०७६, बिहीबार २३:२५
;

गौतम बुद्ध अन्तर्राष्ट्रिय क्रिकेट स्टेडियमका लागि क्रिकेट खेलाडी सन्दीप लामिछानेले सहयोग रकम हस्तान्तरण गरेका छन्।

चितवनमा धुर्मुस सुन्तली फाउन्डेशनद्धारा चितवनमा निमार्णाधिन रंगशालाका लागि सन्दीप र उनका एजेन्ट तल्हा इसामले १ लाख ४१ हजार ५ सय ६८ रुपैयाँ रकम हस्ताण्तरण गरेका हुन् ।  

शुक्रबार काठमाडौंमा एक कार्यक्रम गरी सन्दिपले आफूले घोषणा गरेको रकम धुर्मुस– सुन्तलीलाई हस्तान्तरण गरेको जानकारी गराएका हुन् । सन्दीपले अमेरिका र ओमान सम्मिलित त्रिकोणात्मक शृंखलाका क्रममा आफूले लिने विकेट बराबर ८ हजार ८ सय ४८ रूपैयाँ सहयोग गर्ने घोषणा गरेका थिए ।

सन्दीपले अमेरिकासँगको पहिलो खेलमा २ र दोस्रो खेलमा ६ विकेटसहित लिएको ८ विकेट बराबरको रकम प्रदान गरेका हुन्। सन्दिपले आफ्नोतर्फबाट ७० हजार ७ सय ४ रुपैँया दिएका छन् भने उनका एजेन्ट तल्हा इसामले पनि त्यती नै रकम थप्दै सहयोग गरेका हुन्।

यसमा तपाइको मत

Your email address will not be published. Required fields are marked *


*