दुई वटा मिनीबस एकआपसमा ठोक्किँदा ४० जना घाइते, एकको अवस्था गम्भीर

तनहुँमा दुई वटा मिनीबस एकआपसमा ठोक्किँदा ४० जना घाइते भएका छन् । दमौलीबाट मुग्लिङ्गतर्फ आउँदै गरेको ना ७ ख २०६ नम्बरको बस र डुम्रेबाट दमौली जाँदै गरेको ना ५ ख २८५६ नम्बरको बस आइतबार बिहान एकआपसमा ठोक्किदा  दुर्घटना भएको हो ।

दुर्घटनामा परी घाइते भएकाहरुको दमौलीस्थित रत्नहरि अस्पताल, एपोलो अस्पताल र पोखरा अस्पतालमा उपचार भइरहेको तनहुँका प्रहरी नायव उपरीक्षक लिलाराज लामिछानेले जनाएको छ । 

घाइते मध्ये ना ५ ख २८५६ नम्बरको बसका चालकको अवस्था गम्भीर रहेकाले उनलाई थप उपचारका लागि पोखरा पठाइएको छ । 
ना ५ ख २८५६ नम्बरको बसले ओभरटेक गर्ने क्रममा दुर्घटना भएको प्रहरी नायव उपरीक्षक लामिछानेले जनाएको छ ।