शिक्षकहरुको आन्दोलनले पठनपाठन ठप्प

आंशिक शिक्षकहरुले करार माग राख्दै आन्दोलन गरेपछि भोजपुर बहुमुखी क्याम्पसको पठन पाठन ठप्प भएको छ । क्याम्पसमा करार दर्बन्दी रिक्त हुँदा समेत आंशिक शिक्षकलाई करारमा लैजान वेबास्ता गरेको भन्दै शिक्षकहरुले पठनपाठन ठप्प पारेका हुन् ।

गत ११ गते ध्यानकर्षण पत्र बुझाएको भएपनि १६ गतेबाट भने ‘पेन डाउन’ गरेर पठनपाठन ठप्प पारेका हुन् । शिक्षकहरुको आन्दोलनका कारण शिक्षा लिनबाट बन्चित भएकाले समस्याको समाधान गरेर नियमित पठनपाठनको वातावरण बनाई दिन विद्यार्थीहरुले माग गरेका छन् ।