आगलागी हुँदा ११ वर्षीय बालकको मृत्यु
सल्यानमा आगलागी हुदाँ ११ वर्षीय बालकको मृत्यु भएको छ । शिद्धकुमाख गाउँपालिका वडा नं. १ बाँझकाँडा निवासी रत्नलाल बुढाथोकीको घरमा आगलागी हुँदा उनका ११ वर्षीय छोरा दुर्गाबहादुर बुढाथोकीको मृत्यु भएको हो ।
जिल्ला प्रहरी प्रवक्ता उमाकान्त जोशीका अनुसार गएराति आगलागी हुँदा बालकको जलेर मृत्यु भएको अवस्थामा शव फेला परेको हो ।
घरमा लागेको आगो नियन्त्रणमा लिएपछि मात्रै सबैभन्दा माथिल्लो तलामा बालकको शव जलेको अवस्थामा फेला परेको प्रहरीले जनाएको छ ।
शव पोष्टमार्टमका लागि बुधबार जिल्ला अस्पताल सल्यान पठाउने तयारी भइरहेको प्रहरीले जनाएको छ।