मकवानपुरमा कोरोनाको त्रासः कक्षा ८ को परिक्षा सर्‍यो

मकवानपुरको  कैलाश गाउँपालिकाले  कक्षा ८ को परिक्षा कार्यतालिका संशोधन गरी पुनः प्रकाशन गरेको छ । गाउँपालिका मातहतका सम्पुर्ण आधारभुत तह र माध्यमिक तहका सम्पुर्ण विद्यालयका लागि आधारभुत शिक्षा (कक्षा–८) को परिक्षा चैत्र ७ गते सम्म सक्ने गर्ने गरी परिक्षा कार्यतालिका संशोधन गरी प्रकाशन गरेको हो । 

गाउँपालिका भित्रका सबै आधारभुत तह र माध्यमिक तहका विद्यालयले आधारभुत शिक्षा (कक्षा–८) को परिक्षा फागुन २९ गतेबाट शुरु गर्नु पर्ने छ ।

कोरोना भाइरसको संक्रमण र संत्रास बढ्दै गएको कारण गत फागुन २० गते शिक्षा विज्ञान तथा प्रविधिमन्त्रालयको निर्देशन अनुसार आवश्यक सतर्कता अपनाउन उपयुक्त रहेको भन्दै गाउँपालिकाको आधारभुत शिक्षा उतिर्ण (कक्षा–८) परिक्षा समितिको आकस्मिक बैठकले परिक्षा कार्यतालिका संशोधन गरेको हो ।