भीमफेदीका शिक्षकलाई क्षमता अभिबृद्धि तालिम 

भीमफेदी गाउँपालिकामा दुई दिने शिक्षकको क्षमता अभिबृद्धि तालिम सम्पन्न भएको छ । नेपाल राष्ट्रिय शिक्षक संगठन महिला विभाग मकवानपुरको आयोजना र भीमफेदी गाउँपालिकाको सहयोगमा भएको तालिम आज शुक्रबार सम्पन्न भएको हो ।

बिहिबारबाट शुरु भएको तालिममा पालिकाभर रहेका ३९ सामुदायीक विद्यालयमा कार्यरत शिक्षकहरुको सहभागीता रहेको थियो ।

नेपाल राष्ट्रिय शिक्षक संगठन मकवानपुर उपाध्यक्ष लक्ष्मी गजुरेलको अध्यक्षता तथा गाउँपालिका अध्यक्ष हिदम लामाको प्रमुख आतिथ्यतामा तालिम सम्पन्न भएको कार्यक्रममा शिक्षक संगठन मकवानपुर अध्यक्ष श्रीराम दाहालको विशेष आतिथ्यता रहेको कार्यक्रममा नेपाल राष्ट्रिय शिक्षक संगठन मकवानपुर सह–सचिव प्रतिमा गौतम, सह–कोषाध्यक्ष चन्द्रादेबी लामा बल, सचिवालय सदस्य कृष्ण पौडेल, जिल्ला प्रचार विभाग प्रमुख सुनिल गौतम, सदस्य लक्ष्मी कुमारी काफ्ले, भीमफेदी गाउँपालिका एकीकृत अखिल नेपाल शिक्षक संगठन भीमफेदी अध्यक्ष देबराज देबकोटालगायतको उपस्थिति रहेको थियो ।