विप्लव समुहले जर्बजस्ती लगिएकी एक किशोरीको उद्धार, हतियारसहित १४ कार्यकर्ता प्रहरीको नियन्त्रणमा 

नेत्रविक्रम चन्द ‘विप्लव’ समूहले जबर्जस्ती लगिएकी एक किशोरीलाई उदयपुरबाट प्रहरीले उद्धार गरेको छ । धनुषाबाट जबर्जस्ती लगेकी किशोरी उद्धार गर्नेक्रममा प्रहरीले विप्लव समूहका १४ जना कार्यकर्तासमेत पक्राउ गरेको छ ।

धनुषाबाट विप्लव समूहले जबर्जस्ती आफूसँग लगेकी १५ वर्षीया गीता मोक्तानलाई कटारीबाट उद्धार गरिएको उदयपुरका प्रहरी प्रमुख प्रहरी उपरीक्षक बीरबहादुर बुढाले जानकारी दिएका छन् । 

किशोरीको उद्धार गर्ने क्रममा नेपाल प्रहरी र सशस्त्र प्रहरीको संयुक्त टोलीले १५ जना विप्लव समूहका कार्यकर्तालाई ३ वटा हतियारसहित पक्राउ गरेको बुढाले जनाएको छ । 

पक्राउ परेकाहरुलाई धनुषा पठाउने तयारी भएको बुढाले जानकारी दिए। मोक्तान परिवारले विप्लव समूहले जबर्जस्ती छोरीलाई साथमा लिएर गएको खबर गरेपछि प्रहरी परिचालन भएको थियो।