धनुषाका दुई युवामा कोरोनाको आशंका
धनुषाका दुई यूवकमा कोरोना भाईरस संक्रमण भएको आशंका गरिएको छ । खजुरी महुवा, नेपालका शिवकुमार र राजन पासवानलाई चेकजांचको क्रममा कोरोना संक्रमणको आशंका गरिएपछि दुबैजनालाई भारत बिहार मधुबनी स्थित सदर अस्पतालमा राखिएको छ ।
दुबै जना भारतको अहमदावादबाट नेपाल आईरहेका थिए । उनीहरुलाई सदर अस्पतालमा भर्ना गरिएको जिल्ला प्रशासन, मधुवनीले जनाएको छ ।
शिव कुमार र राजन पासवान अहमदाबाद बाट धनुषा आउने क्रममा एकदमै बिरामी भएका थिए । कोरोना पीड़ित भएको लक्षण देखिएपछि उनीहरुको परिवारजनलाई जानकारी गराईएको छ ।
दुबै जनाको स्वास्थ्य परिक्षणको लागि नमुना लिई बिरामीलाई कडा निगरानीमा राखिएको छ । उनीहरुको थप रिपोर्ट आउन अझै १४ दिन लाग्ने उपचारमा संलग्न चिकित्सकले बताए ।