मोटरसाइकल दुर्घटना हुँदा चालकको मृत्यु

हेटौडा न्युज
५ चैत्र २०७६, बुधबार ००:०९
;

भक्तपुरको कौशलटारमा मोटरसाइकल दुर्घटना हुँदा एकको मृत्यु भएको छ । भक्तपुरको मध्यपुर ठिमी नगरपालिका–३ कौशलटारमा मोटरसाइकल दुर्घटना हुँदा चालकको मृत्यु भएको हो ।

कौशलटारस्थित अरनिको राजमार्ग अन्तर्गत भक्तपुर बनेपा सडक खण्डमा बा५८प १६७७ नम्बरको मोटरसाइकल र प्रदेश नं. ३–०२–००९ प ०३५९ नम्बरको स्कुटर ठोक्किँदा मोटरसाइकल चालकको मृत्यु भएको हो ।

कोटेश्‍वरबाट सुर्यबिनायकतर्फ आउँदै गरेको स्कुटीलाई ओभरटेक गर्ने क्रममा मोटरसाइकल स्कुटीको पछाडी ठोक्किएर दुर्घटना भएको हो ।

महानगरीय प्रहरी परिसर भक्तपुरका अनुसार मृतकको सनाखत भने नभएको बताएको छ । घाइते भएका मोटरसाइकल चालकको उपचारका क्रममा नागरिक अस्पताल गठ्ठाघरमामा मृत्यु भएको प्रहरीले जनाएको छ ।

प्रहरीले स्कुटर चालक मध्यपुर ठिमी नगरपालिका–८ की १८ की इशा ढेकेलाई नियन्त्रणमा लिएको छ ।

यसमा तपाइको मत

Your email address will not be published. Required fields are marked *


*