नेपालमा एकै दिन थपिए १ सय ८९ कोरोना संक्रमित

मकवानपुर । नेपालमा शनिबार मात्र १ सय ८९ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयले थप १ सय ८९ जनामा कारोना संक्रमण देखिएको जनाएको हो ।

योसँगै नेपालमा संक्रमितको संख्या १४ सय १ पुगेको छ ।

संक्रमितमध्ये १ सय ८५ जना पुरुष र ४ जना महिला रहेका छन् ।

हालसम्म कोरोना निको भएर २ सय १९ जना घर फर्किएको पनि मन्त्रालयले जनाएको छ । शनिबार मात्र १३ जना अस्पतालबाट डिस्चार्ज भएको मन्त्रालयले जनाएको छ ।

यस्तै हालसम्म ६ जना संक्रमितको मृत्यु समेत भएको छ ।