थप २० जनामा कोरोना पुष्टि, संक्रमितको संख्या ५ सय ७ पुग्यो

नेपालमा थप २० जनामा कोरोना संक्रमण पुष्टि भएको छ भने संक्रमितको संख्या ५ सय ७ पुगेको छ ।  स्वास्थ्य तथा जनसंख्या मन्त्रालयले शुक्रबार अपराह्रन्न सम्ममा थप २० जनामा कोरोना संक्रमण देखिएको जनाएको हो । 

मन्त्रालयका अनुसार डडेलधुरामा १ जना, बैतडीमा १ जना, कैलालीमा ३ जना, बाँकेमा १४ जना र मोरङमा १ जनामा संक्रमण देखिएको छ ।

डडेलधुराको पराशुराम–१० का २८ वर्षीय पुरुष र वैतडीको शिवनाथ–१ का २२ वर्षीय पुरुष, कैलाली जानकी गाउँपालिकाको सरस्वती माविको क्वारेन्टाइनमा रहेका १९, २३ र २६ वर्षका पुरुष, बाँकेको सोनारीका र नरैनापुरका १८ देखि ६१ वर्ष उमेरका पुरुष र मोरङको रतुवामाई–२ का एक जनामा  संक्रमण पुष्टि भएको स्वास्थ्य मन्त्रालयले जनाएको छ ।