३३ किलो गाँजा र भरूवा बन्दुक सहित एक जना पक्राउ

मकवानपुर प्रहरीले भरूवा बन्दुक र गाजा सहित एक जनालाई पक्राउ गरेको छ । इलाका प्रहरी कार्यालय मनहरीबाट खटिएको प्रहरीको टोलीले भरुवा बन्दुक, ३३ किलो गाँजा र घरेलु हतियार सहति एक जनालाई पक्राउ गरेको हो ।

पक्राउ पर्नेमा मनहरी गाउँपालिका–६ का ४० वर्षीय रामचन्द्र प्रजा रहेको जिल्लाप्रहरी कार्यालयले जनाएको छ । बिशेष सुचनाको आधारमा प्रहरीले सो परिमाणको गाजा र भरूवा बन्दुक सहित शुक्रबार प्रजालाई पक्राउ गरेको प्रहरीले जनाएको छ । 

प्रहरीले प्रजाको साथबाट गाजा र बन्दुक सहित एक थान खुकुरी, एक थान बन्चरो र तीन थान टर्च लाइट फेला पारेको प्रहरी जनाएको छ । घटनाको थप  अनुसन्धान भइरहेको जिल्ला प्रहरी कार्यालय मकवानपुरका प्रवक्ता सुजन पाठकले बताए ।