सप्तरीमा नेकपा र राजपा कार्यकर्ता बीच झडप

सप्तरी । सप्तरीमा दुई समुह बिच झडप भएको छ । सप्तरीको छिन्नमस्ता गाउँपालिकामा सत्तारूढ दल नेकपा र राष्ट्रिय जनता पार्टीका कार्यकर्ताबीच झडप भएको हो ।

सार्वजनिक जग्गा प्रयोग गर्ने विषयमा दुवै पक्षबीच झडप भएको प्रहरीले जनाएको छ । झडपमा दुवै पक्षका १४ जना घाइते भएका छन् ।

झडपलार्ई नियन्त्रण लिन सशस्त्र प्रहरीले ४ र नेपाल प्रहरीले पनि ४ राउन्ड हवाई फायर गरेको सप्तरी प्रहरीले बताएको छ । सो क्रममा ३ राउन्ड अश्रु ग्यास समेत प्रहार गरिएको थियो ।

घाइतेलाई उपचारका लागि राजविराजस्थित गजेन्द्रनारायण सिंह अस्पताल लगिएको छ ।