कोरोनाबाट नेपालमा थप १ को मृत्यु

सुर्खेत । सुर्खेतमा जनता माविको विद्यापुर क्वारेन्टाईनबाट घर पठाईएका एक युवकको कोरोना संक्रमणबामट मृत्यु भएको छ । योसँगै नेपालमा कोरोनाले मृत्यु हुनेको संख्या ११ पुगेको छ ।

ती युवकको हिजो बिहीबार बिहान उनको घर पञ्चपुरी नगरपालिका वडा नम्बर १ मा मृत्यु भएको हो । क्वारेन्टाईनमा आरडीटी परीक्षण गर्दा नेगेटिभ आएपछि गत बुधबार घर पठाईएकोमा घर पुगेकै दिन ती युवकको मृत्यु भएको थियो ।

हिजो उनको मृत्यु भएपछि कर्णाली प्रदेश स्वास्थ्य निर्देशनालयमा पीसीआर प्रविधिबाट परीक्षण गर्दा पोजेटिभ आएको थियो । मृतक युवकसँगै सो क्वारेन्टाइनमा ५४ जना थिए जस मध्ये तीन जनालाई पोजेटिभ देखिएको छ ।