हेटौंडामा एक विरुवा मेरो जिम्मेवारी अभियान
हेटौडा न्युज
मकवानपुर । विश्व वातावरण दिवसको अवसरमा हेटौंडा जेसिजले हेटौंडाको सिचाइँ टोलमा वृक्षारापण गरेको छ । विश्व वातावरण दिवसको अवसरमा हेटौंडा जेसिजले हेटोंडा–५ सिचाइँ टोलस्थित मुक्तेश्वर मन्दिर परिसरमा वृक्षारापण गरेको हो ।
एक विरुवा मेरो जिम्मेवारी भन्ने नाराका साथ हेटौंडा जेसिजले मन्दिर परिसरमा धुपि, आँप, लिचि लागायतका ११ प्रजातीका बिरुवा रोपेको हेटौंडा जेसिजका अध्यक्ष राजदेव बनियाँले बताए ।
नेपाल जेसिजको आह्वानमा देशभरका १ सय ५६ वटा जेसिज शाखाले एकै साथ वृक्षरोपण गरेको हेटौंडा जेसिजका एसडिजि को–अर्डिनेटर विकेशलाल श्रेष्ठले बताए ।
हेटौंडा जेसिजका ११ जना सदस्यहरुले १/१ विरुवा रोपिएको र सो विरुवाको संरक्षण पनि सम्बन्धित व्यक्तिले नै गर्ने कार्यक्रमका संयोजक विकेशलाल श्रेष्ठले बताए ।
वातावरण संरक्षण गर्नु सबैको जिम्मेवारी भएकोले एक व्यक्तिले कम्तीमा एक विरुवा वृक्षारोपण र संरषण्को अवधारण रहेको श्रेष्ठले बताए ।
यो पनि पढ्नुहोस्
