थप ३ सय २३ जनामा कोरोना संक्रमण पुष्टि

काठमाडौं । नेपालमा थप ३ सय २३ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयले पछिल्लो २४ घण्टामा देशका विभिन्न अस्पतालमा गरिएको परीक्षणमा थप ३ सय २३ जनामा कोरोना भाइरस संक्रमण देखिएको जनाएको छ ।

स्वास्थ्य मन्त्रालयका प्रवक्ता डा जागेश्वर गौतमले थपिएका संक्रमितमा २ सय ९२ पुरुष र ३१ जना महिला रहेका बताए । योसंगै नेपालमा कोरोना संकक्रमितको संख्या ४ हजार ८५ पुगेकको छ । जसमा पुरुष ३ हजार ७ सय ९८ रहेको छ भने महिला २ सय ८७ जना रहेका छन् ।

नेपालमा थप ९६ जनाले कोरोना भाइरसलाई जितेका छन् । जसमध्ये ८८ जना पुरुष रहेका छन् भने ८ जना महिलाका छन् । हालसम्म नेपालमा कोरोनाबाट १५ जनाको मृत्यु भएको छ ।