लायन्स तथा लियोको रक्तदान कार्यक्रम सम्पन्न

मकवानपुर । हेटौंडामा रहेर विभिन्न सामाजिक कार्य गर्दै आएको ३ वटा लायनस तथा १ वटा लियो कलबको संयुक्त आयोजनामा आज रत्तदान कार्यक्रम सम्पन्न भएको छ । लायन्स क्लब अफ हेटौंडा पाथीभार ,पथीभार गोल्ड , मनकामना र लियो क्लब अफ हेटौंडा पथीभारको संयुक्त आयोजनमा रक्तदान कार्यक्रम सम्पन्न भएको हो।

सामाजिक सेवामा निरन्तर लागि परेको लायन्स तथा लियो क्लबहरुले आज बुधबार हेटौंडाको रक्त संचार केन्द्रमा संयुक्त रुपमा रक्तदान कार्यक्रम सम्पन्न गरेका हुन् ।

लायन्स क्लब इन्टर नेशनल ३२५ बि २ नेपालका गभर्नर लायन शम्भू नकर्मीको प्रमुख आतिथ्यता तथा लायन्स क्याविनेट सेक्रेटरी लायन टासी डामेल्मा तुम्वाहाङ्फेको विषेश आतिथ्यतामा भएको कार्यक्रममा २७ जनाले रत्तदान गरेको कार्यक्रमकी सभाध्यक्ष लायन ऋतु पियाले बताइन् ।

हल विश्वभर महामारीको रुपमा फैलिएको कोरोना भाइरसको जोखिमका कारण जिल्लामा रगत अभाव हुन नदिन रक्तदान कार्यक्रम आयोजना गरेको उनले बताइन् ।