स्रोत नखुलेको ११ लाख रुपैयाँसहित एक जना पक्राउ
हेटौडा न्युज६ श्रावण २०७७, मंगलवार १४:४९
रौतहट । स्रोत नखुलेको ११ लाख रुपैयाँसहित एक जनालाई प्रहरीले पक्राउ गरेको छ । पक्राउ पर्नेमा ईशनाथ नगरपालिका ४ बस्ने १९ वर्षीय पवन कुमार सिन्हा रहेका छन् ।
प्रहरी चौकी मठियाबाट खटिएको प्रहरीले नेपाल भारतको सिमाना नजिक मठिया महुलियातर्फ आउँदै गरेका साइकलमा सवार उनलाई जाँच गर्दा उक्त नगद फेला परेको हो ।
उनीमाथि थप अनुसन्धान भइरहेको प्रहरीले जनाएको छ ।
