मनहरीमा ट्रक पल्टिदा एकको मृत्यु, एक घाईते

साङ्केतिक तस्वीर

मकवानपुर । मकवानपुरको मनहरीमा ट्रक पल्टिदा एक जनाको मृत्यु भएको छ भने एक जना घाईते भएका छन् । पुर्व पश्चिम राजमार्ग अन्तर्गत मनहरी-९ खरङ्गामा ट्रक पल्टिदा ट्रकमा सवार उनीहरुको मृत्यु भएको हो ।

जिल्ला ट्राफिक कार्यालय मकवानपुरका अनुसार ट्रक पल्टिदा ट्रकमा सवार बारा घर भएका राज चौधरीको मृत्यु भएको हो । त्यस्तै ट्रक चालक लक्ष्मी नारायण चौधरी भने घाइते भएको प्रहरीले जनाएको छ ।

मकै बोकेर चितवनतर्फ जाँदै गरेको ना ४ ख ७०४ नम्बरको ट्रक अनियन्त्रित भई पल्टिँदा दुर्घटना भएको जिल्ला ट्राफिक प्रहरी कार्यालय मकवानपुरका प्रहरी प्रमुख हरि विष्णु ढकालले बताएका छन् ।

मृतक चौधरीको शव च्यापिएको अवस्थामा फेला परेको ढकालले बताएका छन् । घाईते भएका चौंधरीको उपचारका लागि चितवन तर्फ पठाइएको छ ।

घाइते हुने ट्रक चालक बाबु र मृतक छोरा भएको प्रहरीले जनाएको छ ।