सुनजस्तै देखिने १५ किलो धातु सहित दुई पेस्तोल बरामद

काठमाडौं । सुनजस्तै देखिने १५ किलो पहेँलो धातुसहित दुई वटा पेस्तोल बरामद गरेको छ । मंगलबार गाडीमा आएका एक व्यक्तिले झोला फ्याँकेर भागेका थिए ।

सो झोलाको प्रहरीले खानतलासी गर्दा सुनजस्तो देखिने पहेँलो पदार्थ १५ किलो र २ वटा पेस्तोल बरामद गरेको प्रहरीले जनाएको छ ।

फरार व्यक्तिको पहिचान भईसकेको र खोजी गर्नका लागि महानगरीय प्रहरी परिसर काठमाडौं र महानगरीय प्रहरी वृत्त दरबारमार्गको टोली खटिएको छ ।

बरामद पहेँलो पदार्थ सुन वा अन्य बस्तु हो भन्ने पहिचान गर्न परीक्षणका लागि पठाइएको छ ।