खोलाले बगाउँदा साढे ३ वर्षीय बालकको मृत्यु

बिर्तामोड । खोलाले बगाउँदा एक बालकको मृत्यु भएको छ । बुद्धशान्ति–३ पिपलबोटे बस्तीका महेश राईका साढे ३ वर्षीय छोरा मौसम राईको मृत्यु भएको हो ।

घर बाहिर खेल्ने क्रममा बालकलाई स्थानीय हडिया खोलाले बगाएको जिल्ला प्रहरी डीएसपी राकेश थापाले जानकारी दिए ।

खोलामा खसेलगत्तै स्थानीयले उद्धार गरी नजिकैको बुधबारे बजारमा रहेको लिभिङ होप पोलिक्लिनिकमा लगिएपनि उपचारको क्रममा बालकको मृत्यु भएको हो ।