लियो सुर्योदय क्लासिकको वृक्षारोपण कार्यक्रम सम्पन्न

मकवानपुर । लियो क्लब अफ हेटौंडा सुर्योदय क्लासिकले हेटौंडा–५ स्थित राईटोल क्षेत्रमा वृक्षारोपण गरेको छ । क्लबले एक कार्यक्रम आयोजना गरेर शनिबार राईटोलको डाँडादेखी मनकामना डाँडा जाने पुरानो बाटो क्षेत्रमा वृक्षारोपण गरेको हो ।

नेपालमा समाजसेवामा सक्रिय रहेको लायन्स कलबको युवा कार्यक्रम अन्तर्गत रहेको लियो क्लबहरुले विभिन्न कार्य गर्दै आएको छ । सोहि अनुसार लायन्स क्लब अफ हेटौंडा सुर्योदयको युवा कार्यक्रमको रुपमा स्थापना भएको क्लवले आज वृक्षारोपण कार्यक्रम गरेको हो ।

लियो क्लब अफ सुर्योदय क्लासिककी अध्यक्ष लियो अस्मिता चौलागाईको सभाध्यक्षता तथा क्लबका कोषाध्यक्ष लियो प्रबेश धिताल कुन्दनको संयोजकत्वमा भएको कार्यक्रममा हेटौंडा उपमहानगरपालिका वड नम्बर ५ का वडा अध्यक्ष राजेश बानियाँको प्रमुख आतिथ्यता तथा हेटौंडा–५ का वडा सदस्य ज्ञान बहादुर थापा, नेकपाका नेता तथा समाजसेवी ईश्वर ढुंगाना, लायन्स कलब इन्टरनेशनल ३२५ बी २ नेपालका रिजन चेयरपर्सन लायन किशोर कुमार टण्डन, डिष्ट्रिक्ट डिपार्टमेन्ट मेम्वर ९जिएलटी० लायन अरुण बर्तौलाको विशिष्ट आतिथ्यता रहेको थियो ।

कार्यक्रम लियो क्लब अफ हेटौंडा सुर्योदय क्लासिकको आयोजना तथा पिप्ले पोखरा सामुदायिक वन उपभोक्ता समिति, राईटोल टोल विकास समिति, राईटोल युवा क्लबको सहकार्यमा सम्पन्न भएको थियो ।

कार्यक्रममा लायन्स क्लब अफ हेटौंडा सुर्योदय अन्तर्गतका अन्य ४ वटा क्लबको समन्वयमा सम्पन्न भएको थियो । लायन्स क्लब अफ हेटौंडा सुर्योदय अन्तर्गत लियो क्लब अफ हेटौंडा सुर्योदय ,लियो क्लब अफ हेटौंडा सुर्योदय राइजिङग,लियो क्लब अफ हेटौंडा सुर्योदय इनोभेटिव, लियो क्लब अफ हेटौंडा सुर्योदय कृयटिभ रहेका छन् ।