सिन्धुपाल्चोकमा पहिरोले १३ घर पुरिए, पाँच परिवार बेपत्ता

हेटौडा न्युज

३० श्रावण २०७७, शुक्रबार १०:५७

;

काठमाडौं । सिन्धुपाल्चोकमा पहिरो जाँदा १३ वटा घर पुरिएका छन् । पाँच घर परिवारका सदस्यहरु सम्पर्कविहीन छन् ।
शुक्रबार बिहान आएको पहिरोले जुगल गाउँपालिका–२ लिदिको लामा टोलमा घरहरु पुरिएका हुन् ।

सो क्षेत्रमा २५–३० घरहरु जोखिममा रहेको जुगल गाउँपालिकाका योजना अधिकृत रामबाबु नेपालले जानकारी दिए ।

कति जना पुरिएका छन् भन्ने विषयमा केही खुल्न सकेको छैन ।

थप विवरण आउँन बाँकी छ ।