थाहा नगर क्षेत्रमा निषेधाज्ञा जारी गर्न सिफारीस
हेटौडा न्युज
मकवानपुर । मकवानपुरको थाहा नगरपालिकामा निषेधाज्ञा जारी गर्न सिफारीस गरीएको छ । थाहा नगरपालिकाले आफ्नो क्षेत्रमा निषेधाज्ञाको आदेश जारी गरिदिन जिल्ला सुरक्षा समिति र जिल्ला प्रशासन कार्यालय मकवानपुरलाई सिफारिस गरेको हो ।
नगरपालिकाले सात दिनको निषेधाज्ञा जारी गर्न सिफारीस गरेको छ । नगरपालिकाको सिफारीस अनुसार थाहा नगर क्षेत्रमा आज भदौ २ गते राति १२ बजेबाट ७ दिनका लागि निषेधाज्ञा लागू हुनेछ ।
बढ्दो कोरोनाको जोखिम नियन्त्रणका लागि अत्यावश्यक सेवाबाहेक अन्य सेवाहरु सञ्चालन नगर्ने गरी निषेधाज्ञाको आदेश जारी गरिदिन नगरपालिकाले सिफारिस गरेको जनाइएको छ ।
जिल्ला सुरक्षा समितिको वैठक बसेपछि आवश्यक निर्णय हुने जनाइएको छ ।
यस अघि मकवानपुरको हेटौंडा उपमहानगरक्षेत्र र मनहरी गाउँपालिकाको राजमार्गसँग जोडिएको आसपासको क्षेत्रमा निषेधाज्ञा लगाइको थियो ।
भदौ ९ गतेसम्मको लागि यि क्षेत्रहरुमा निषेधाज्ञा लगाएको छ ।
