प्रहरीमाथि हातपात गर्ने मकवानपुरका दुई जना पक्राउ

ललितपुर । ड्युटीमा खटिएको प्रहरीलाई हातपात गरेको आरोपमा २ जनालाई  पक्राउ गरेको छ । प्रहरीले पाटन सुन्धारा बस्ने मकवानपुर ईन्द्रसरोवर गाउँपालिका–३ घर भएका २५ वर्षीया नविन तामाङ र सोही ठाउँ बस्ने १८ वर्षीय किशोर रहेका छन् ।

महानगरीय प्रहरी प्रभाग बालकुमारीबाट खटिएको प्रहरीले पैदल हिँडिरहेका उनीहरुलाई सोधपुछ गर्ने क्रममा हातपात गरेपछि उनीहरुलाई पक्राउ गरेको हो ।

घाइते भएका २ जना प्रहरी कर्मचारीहरु बि एण्ड बि अस्पतालमा उपचार पश्चात डिस्चार्ज भएका छन् । यस सम्बन्धमा थप अनुसन्धान भइरहेको प्रहरीले जनाएको छ ।