थप एक जना कोरोना संक्रमितको मृत्यु

बाँके । बाँकेमा थप एक जना कोरोना संक्रमितको मृत्यु भएको छ । बाँकेको नेपालगञ्ज उपमहानगरपालिका–१ का ३७ वर्षीय कोरोना संक्रमित पुरुषको गए राति मृत्यु भएको हो ।

गत भदौ ८ गते नेपालगञ्ज मेडिकल कलेजमा भर्ना गरिएका ती पुरुषको दुवै फोक्सोमा निमोनिया देखिएको थियो ।

स्वास्थ्य अवस्था जटिल बन्दै गएपछि उनलाई भेन्टिलेटरमा राखिएको थियो ।

यो सहित बाँकेमा कोरोनाबाट मृत्यु हुनेको संख्या ५ पुगेको छ ।