लमजुङमा तितेपातीको तेल उत्पादन, एक लिटरकै मूल्य ८ हजार

लमजुङ । लमजुङको क्वहोलासोंथर गाउँपालिका ८ घाम्राङबेसीमा तितेपातीको व्यवसायिक तेल उत्पादन सुरु भएको छ ।

घाम्राङबेसीमा रहेको हिमालयन हर्ब सेन्टरले आधुनिक प्रविधि स्टिम डिस्टिलेसन सिस्टमबाट तितेपातीको तेल उत्पादन सुरु गरेको हो ।

गत वर्ष परीक्षण गरिएको र यस वर्षदेखि तितेपातीबाट तेल उत्पादन गरिएको हिमालयन हर्ब सेन्टरका अध्यक्ष गमप्रसाद गुरुङले बताए ।

एक हप्ताको अवधिमा ८ लिटर तितेपातीको तेल उत्पादन भएको उनले बताए ।  एक लिटर तेलको ६/८ हजार रुपैयाँसम्म पर्ने जनाइएको छ ।

विशेषगरी तितेपातीको तेल युरोपका बजारमा माग उच्च रहेको छ ।