दुई मोटरसाइकल एक-आपसमा ठोक्किँयो, दुई जनाको मृत्यु

साङ्केतिक तस्वीर

जनकपुरधाम । दुई वटा मोटरसाइकल एक–आपसमा ठोक्किँदा दुई जनाको मृत्यु भएको छ । मोटरसाइकल एकआपसमा ठोक्किदाँ सिरहाको धनगढीमाई नगरपालिका– १० बस्ने ५१ वर्षीय दीपक कुमार पंजियार र सिरहा नगरपालिका– ९ गुलरीया बस्ने ३५ वर्षीय सिल्टु ठाकुरको मृत्यु भएको हो ।

सिरहा नगरपालिका११ भलुवाहीस्थित सिरहा–चौहर्वा सडक खण्डमा सिरहाबाट चोहर्वातर्फ जाँदै गरेको स ४ प ४६१० नम्बरको र विपरीत दिशातर्फ जाँदै गरेको स ४ प ७९२१ नम्बरको मोटरसाइकल बुधबार राति सवा ७ बजेतिर आपसमा ठोक्किएका थिए । दुर्घटनामा दुवै मोटरसाइकल चालकको मृत्यु भएको हो ।

पंजियारलाई उपचारका लागि जिल्ला अस्पतालमा पठाएकोमा उनको उपचारकै क्रममा र ठाकुरलाई उपचारको लागि लहान तर्फ पठाएकोमा बाटोमै मृत्यु भएको प्रहरीले जनाएको छ ।

घटनाबारे अनुसन्धान भइरहेको प्रहरीले जनाएको छ ।