बाह्रबिसे पहिरोस्थलमा पुगे सभामुख सापकोटा

सिन्धुपाल्चोक । सभामुख अग्निप्रसाद सापकोटा सिन्धुपाल्चोकको बाह्रविसे घुम्थाङस्थित पहिरोस्थल पुगेका छन् ।

गएराति अविरल वर्षसँगै गएको पहिरो बारे खबर पाएपछि उनी सडकमार्गबाट बिहानै त्यसतर्फ लागेका थिए ।

सापकोटाले पहिरोपीडीतहरूलाई राहत तथा पुनर्स्थापनाको लागि आश्वासन दिएका छन् ।

साथै बारम्बार विपत्तिमा परेको सिन्धुपाल्चोकमा भूगर्भविद्को टोली ल्याएर अध्ययन गराइ थप कदम चाल्ने बताएका छन् ।

गए रातिको वर्षाका कारण सिन्धुपाल्चोकको बाह्रबिसे नगरपालिका–७ घुम्थाङको नागपुजे, भीरखर्कलगायतका स्थानमा पहिरो जाँदा ठूलो मानवीय क्षति भएको हो।