सिन्धुपाल्चोक पहिरोः थप दुई को शव फेला, १८ अझैं बेपत्ता

सिन्धुपाल्चोक । सिन्धुपाल्चोकको बाह्रबिसे नगरपालिका–७ भिरखर्क र नाकुचेमा गएको पहिरोमा पुरिएका बेपत्ता भएका थप दुई जनाको शव फेला परेको छ ।

भिरखर्कका २२ वर्षीय कुमार विक र २१ वर्षीय सोनिया विकको सोमबार शव फेला परेको हो । योसँगै पहिरोमा पुरी मृत्यु हुनेको संख्या १३ पुगेको छ भने अझै १८ जना बेपत्ता छन् ।

त्यस्तै, ६ जनाको भने आइतबार जीवितै उद्धार गरिएको थियो ।

नेपाल प्रहरी, सशस्त्र प्रहरी र नेपाली सेनाको टोलीले बेपत्ताको खोजी गरिरहेको छ ।