हेटौंडा लेडिज जेसीजको वृद्धाआश्रमलाई खाजा र खाना सहयोग

मकवानपुर । हेटौंडा लेडिज जेसीजले दिव्य सेवा निकेतन (वृद्धाआश्रम)लाई दिवा खाजा र खाना सहयोग गरेको छ । हेटौंडा–१५ रातोमाटेमा रहेको वृद्धाआश्रमलाई लेडिज जेसीजले आज एक दिनको दिवा खाजा र खाना सहयोग गरेको हो ।

मकवानपुरमा विभिन्न सामाजिक कार्य गर्दै आएको जेसीजले आज आश्रममा एक कार्यक्रम आयोजना गर्दै खाना तथा खाजा सहयोग गरेको कार्यक्रमकी संयोजक सहनशिला ढकालले बताइन् ।

लेडिज जेसीज हेटौंडा शाखाकी अध्यक्ष शुशिला पौडेलको सभाध्यक्षतामा भएको कार्यक्रममा दिव्य सेवा निकेतनका केन्द्रिय अध्यक्ष टेकराज निरौलाको प्रमुख आतिथ्यता रहेको थियो भने हेटौंडा जेसीजका उपाध्यक्ष विकेशलाल श्रेष्ठ, लेडिज जेसीजकी कानुनी सल्लाहकार रश्मि बस्नेतको आतिथ्यता रहेको थियो ।

सो शाखामा आवद्ध जेसीज सदस्यहरुले वृद्धाआश्रमको सदस्यता समेत लिएका छन् ।