थप १५ सय ७३ जनामा कोरोना पुष्टि, संक्रमितको संख्या ७३ हजार नाघ्यो

काठमाडौं । नेपालमा थप १ हजार ५ सय ७३ जनामा कोरोना संक्रमण पष्टि भएको छ । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा १० हजार १ सय २३ जनाको पिसिआर विधिबाट गरिएको परिक्षणमा १ हजार ५ सय ७३ जनामा कोरोनमा संक्रमण पुष्टि भएको हो ।

योसँगै नेपालमा कोरोना संक्रमितको संख्या ७३ हजार ३ सय ९४ जना पुगेको छ ।

हालसम्म नेपालमा ९ लाख ८८ हजार ३ सय २७ जनाको पिसिआर परीक्षण गरिएको मन्त्रालयले जनाएको छ । आज १९ हजार १९ जना सक्रिय संक्रमित रहेका छन ।

त्यस्तै पछिल्लो २४ घण्टामा देशभर थप ८ सय ८५ जना उपचारपछि निको भएर डिस्चार्ज भएका छन् । यो सहित डिस्चार्ज हुनेको कुल संख्या ५३ हजार ८ सय ९८ पुगेको छ ।